75. (social 48). పాలేరు అసెంబ్లీ నియోజక వర్గం...నియోజకవర్గాల పునర్విభజన...రాజకీయాలు.

 పాలేరు అసెంబ్లీ నియోజక వర్గం...నియోజకవర్గాల పునర్విభజన...రాజకీయాలు.

1962 వ సం.లో ఖమ్మం నియోజక వర్గం నుండి విడదీసిన ప్రాంతాన్ని పాలేరు నియోజక వర్గముగా ఏర్పాటు చేశారు. అప్పుడు ఖమ్మం జిల్లా కాంగ్రెసు వర్గ రాజకీయాల ఫలితంగా నిబంధనలకు భిన్నంగా వేంసూరు అసెంబ్లీ నియోజక వర్గానికి బదులుగా వాళ్ళ స్వలాభం కోసం పాలేరును SC నియోజక వర్గంగా మార్చారు.

అప్పటికింకా సర్వశ్రీ జలగం వెంగళరావు, శీలం శిద్దారెడ్డి లు ఇరువురు జిల్లా నాయకత్వ హోదాలో లేరు.

వేంసూరు అసెంబ్లీ సీటు అప్పటి జిల్లా కాంగ్రెస్ ముఖ్య సీనియర్ నాయకుడు శ్రీ బొమ్మకంటి సత్యనారాయణ గారికి అవుసరం. పాలేరు అసెంబ్లీ రాజకీయాలలో శ్రీ పెండ్యాల సత్యనారాయణ రావును తప్పించటానికి దాన్ని ఎస్.సీ గా చేయటం ఆయన వ్యతిరేకులకు అవుసరం. జిల్లాలో ఆయన రాజకీయ ప్రాభవానికి అడ్డుకట్ట వేయటం వారి లక్ష్యం.

ఆ సమయంలో, పంచాయతీ సమితులు ఏర్పడనప్పుడు. పాలేరు బ్లాకుకు BDO అధ్యక్షునిగా, శ్రీ పెండ్యాల సత్యనారాయణరావు ఉపాధ్యక్షునిగా సేవలను అందించారు. పాలేరు ప్రాంత అభివృద్ధిలో పెండ్యాల సత్యనారాయణరావు పాత్ర మరువలేనిది.

1957 వ సం.లో జరిగిన ఖమ్మం అసెంబ్లీ నియోజకవర్గ ఎమ్మెల్యేగా శ్రీమతి తేళ్ల లక్ష్మీకాంతమ్మ గారిని గెలిపించడంలో శ్రీ పెండ్యాల సత్యనారాయణరావు ప్రతిభకు ఉలిక్కిపడిన అప్పటి కాంగ్రెస్ జిల్లా నాయకత్వం ఖమ్మం అసెంబ్లీ నియోజకవర్గం నుండి కొంత ప్రాంతాన్ని విడగొట్టి పాలేరు అసెంబ్లీ నియోజకవర్గం అని నామకరణం చేసి దాన్ని షెడ్యూల్ caste (ఎస్. సీ) నియోజకవర్గంగా మార్చేసింది. ఆ సమయంలోనే నియోజక వర్గాల పునర్విభజన ప్రక్రియ ప్రారంభం కావటం వారికి వరంగా మారింది.

ఈ రాజకీయ చర్య పర్యవసానమే జిల్లా రాజకీయ పునరేకీకరణకై శ్రీ పెండ్యాల సత్యనారాయణరావు శ్రీకారం చుట్టారు. ఫలితంగా కొత్తతరం రాజకీయ అరంగ్రేటం జలగం వెంగళరావు, శీలం శిద్దారెడ్డి రూపంలో అవతరించటానికి కారణమైంది.

శ్రీమతి రేణుకాచౌదరి ఖమ్మం లోకసభ అభ్యర్థిగా రంగప్రవేశం చేశాక శ్రీ వనమా వెంకటేశ్వరరావు ప్రెసిడెంటుగా ఏర్పడ్డ ఖమ్మం జిల్లా కాంగ్రెసు కమిటీలో నేను దశాబ్దం పైగా కార్యదర్శి బాధ్యతలు నిర్వహించడం జరిగింది. ఆ సమయంలోనే అసెంబ్లీ, లోకసభ నియోజకవర్గ పునర్విభజన ప్రక్రియ ప్రారంభం అయింది.

ఎలక్షన్ కమిషన్ ప్రతిపాదనల ప్రకారం ఖమ్మం లోకసభ, కొత్తగూడెం అసెంబ్లీ నియోజక వర్గాలు షెడ్యూల్ తెగలకు రిజర్వు చేయటంతో కాంగ్రెసు పార్టీ జిల్లా డీలిమిటేషన్ కమిటీని ఏర్పాటు చేసింది.

ఖమ్మం జిల్లా delimitation కమిటీ చైర్మనుగా నన్ను నియమించారు. అందులో సర్వశ్రీ ఐతం సత్యం, చింతనిప్పు లాలయ్య, కోట గురుమూర్తి, కొత్తా సీతారాములు సభ్యులుగా నియమించబడ్డారు. జిల్లాలోని పది అసెంబ్లీ మరియు లోకసభ నియోజకవర్గాల పునర్విభజన ప్రతిపాదనల తయారీ బాధ్యత నా భుజస్కందాలపై పడింది. ఈ కమిటీకి రాష్ట్ర స్థాయిలో కాంగ్రెస్ సీనియర్ నాయకులు శ్రీ గాదె వెంకటరెడ్డి చైర్మనుగా వుండేవారు.

జిల్లాలోని అన్ని వర్గాలతో, పార్టీలతో సుదీర్ఘ సంప్రదింపుల తరువాత 3 సం.ల కృషితో 3 ప్రతిపాదనలను తయారుచేశాను. జాతీయ స్థాయిలో డీలిమిటేషన్ కమిటీకి official చైర్మన్ గా వున్న రిటైర్డ్ సుప్రీంకోర్టు జడ్జి శ్రీ కులదీప్ సింగ్ గారితో ఢిల్లీలో రెండు సార్లు సమావేశమై నా ప్రపోజల్స్ ను వివరించి పరిశీలించేలా చేయగలిగాను. జిల్లాలోని అన్ని నియోజక వర్గాలలో నా ప్రపోజల్ యే చివరకు ఆమోదించబడింది.

పాలేరు అసెంబ్లీ నియోజక వర్గం పేరును నేలకొండపల్లి నియోజక వర్గముగా చేసిన మార్పు ప్రతిపాదన మాత్రం కొందరి అభ్యంతరంతో సఫలం కాలేదు

ఈ ప్రయత్నంలో నా విజయం ఏమిటంటే పాలేరు అసెంబ్లీ నియోజకవర్గాన్ని OC గా మా
ర్చే ప్రక్రియలో సఫలీ కృతుడిని అయ్యాను. గతంలో 1962లో నిబంధనలకు వ్యతిరేకంగా జరిగిన తప్పును దశాబ్దాల తరువాత సరిదిద్దే అవకాశం నాకు దక్కింది.

కాంగ్రెసు పార్టీ జిల్లా అధ్యక్షుడిగా వున్న వనమా వెంకటేశ్వరరావు డీలిమిటేషన్ ప్రక్రియ అయిపోయేటంత వరకు ఆయన నన్ను నిద్రపోనీకండా ఢిల్లీ వెళ్ళినా నన్ను తన వెంటనే తీసుకు వెళ్ళేవారు. అక్కడ తరచుగా delimitation కమిటీ official మెంబర్స్ అయిన శ్రీ గాదె వెంకటరెడ్డి, నల్లారి కిరణ్ కుమార్ రెడ్డిలతో సమావేశం అయ్యేవారం.

ఒకసారి గాదె వెంకట రెడ్డి గారు వనమా గారితో "వనమా! వాసుదేవరావు గారు లేకుంటే నువ్వు ఢిల్లీక రావా? అని అడిగారు".

కొత్తగూడెం నియోజకవర్గం తిరిగి OC కాకపోతే ఆయన తట్టుకోవటం కష్టమని భయపడ్డాము. ఆయనకు కంగారు ఎక్కువ. దాంతో నేను ప్రొఫెషన్ కు ఎక్కువ డుమ్మా కొట్టవలసి వచ్చింది.

క్రింది చిత్రాలలో మొదటిది ఖమ్మంలో...నెహ్రూ యువక కేంద్రంలో యువజన దినోత్సవ సమావేశంలో శ్రీమతి రేణుకా చౌదరి గారితో. చిత్రంలో నెహ్రూ యువక కేంద్ర యూత్ కొ-వరడినట్వర్ పి. వైద్యనాథం మరియు ఆఫీసు స్టాఫ్ ను చూడవచ్చు.

రెండవ చిత్రం శ్రీమతి రేణుకా చౌదరి, వనమా వెంకటేశ్వరరావు, చింత నిప్పు లాలయ్య తదితరులతో శ్రీ భక్త రామదాసు ధ్యాన మందిరం, నేలకొండపల్లిలో...

<!-- Google tag (gtag.js) --> <script async src="https://www.googletagmanager.com/gtag/js?id=G-1M93C8YK91"></script> <script> window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'G-1M93C8YK91'); </script>